عمران خان اور انکی فیملی سے پاکستان کیلئے کبھی کوئی خیر ہو ہی نہیں سکتی: عظمیٰ بخاری کا ردعمل -

وزیر اطلاعات پنجاب عظمیٰ بخاری نے پاکستان تحریک انصاف کے بانی عمران خان کی بہن نورین نیازی کے معرکہ حق اورپاک فوج سے متعلق متنازع بیان کی شدید مذمت کی ہے۔

اپنے بیان میں عظمیٰ بخاری کا کہنا تھاکہ نورین نیازی کا بیان اپنے بھائی کی سوچ کی عکاسی کرتا ہے، اس خاندان کو پاکستان کی ہر کامیابی سے تکلیف ہوتی ہے۔

انہوں نے کہا کہ دنیا نے تسلیم کیا پاکستان نے بھارت کو معرکہ حق میں عبرتناک شکست دی، نورین نیازی کا فاشسٹ مودی کے حق میں بات کرناشرمناک اورقابل مذمت ہے۔

ان کا کہنا تھاکہ بانی پی ٹی آئی اور تینوں بہنیں یا تو دنیا کی عقل کُل شخصیات ہیں یا پاگل ہیں، بانی پی ٹی آئی اورانکی فیملی سےپاکستان کےلیے کبھی کوئی خیرہوہی نہیں سکتی، معرکہ حق میں افواج پاکستان اورشاہینوں نے تاریخی کارنامے رقم کیے، پاک فوج کی کامیابیوں پرپوری قوم کوفخرہے۔

خیال رہے کہ عمران خان کی بہن نورین نیازی کا معرکہ حق اورپاک فوج سےمتعلق متنازع بیان سامنے آیا ہے اور انہوں نے ایک انٹرویومیں معرکۂ حق کے معاملے پر افواجِ پاکستان کو تنقید کا نشانہ بنایا۔

نورین نیازی نے کہا کہ معرکۂ حق افواجِ پاکستان اور مودی کا گٹھ جوڑ تھا ، بھارت نے اسرائیل کے کہنے پر پاکستان پر حملہ کرنے سے گریز کیا کیونکہ پاکستان اسرائیل کو تسلیم کرنے جا رہا تھا