وائٹ ہاؤس نے ٹرمپ کا آبنائے ہرمز کو امریکی علاقہ بنانے کا بیان مذاق قرار دے دیا -

وائٹ ہاؤس کے ایک سینئر عہدیدار نے صدر ڈونلڈ ٹرمپ کے آبنائے ہرمز کو امریکی علاقہ بنانے کے بیان کو مذاق قرار دے دیا۔امریکی میڈیا رپورٹس کے مطابق ٹرمپ نے اس معاملے پر اپنے مشیروں سے کوئی مشاورت نہیں کی تھی۔ عہدیدار نے کہا کہ صدر نے یہ بات نیویارک میں ایک تقریر کے دوران مذاقاً کہی۔

صدر ڈونلڈ ٹرمپ نے جمعہ کو نیویارک میں خطاب کے دوران کہا تھا کہ ایران کو شکست دینے کے بعد وہ جلد آبنائے ہرمز کو امریکی علاقہ قرار دیں گے۔ٹرمپ نے اس موقع پر ایران کے خلاف امریکی کارروائی کا بھی دفاع کیا تھا۔ ان کے بیان کے بعد ایران کی جانب سے بھی سخت ردعمل سامنے آیا۔

وائٹ ہاؤس کے سینئر عہدیدار کے مطابق آبنائے ہرمز کو امریکی علاقہ بنانے کے معاملے پر کوئی عملی منصوبہ زیر غور نہیں ہے۔عہدیدار نے بتایا کہ ٹرمپ نے اپنے مشیروں کے ساتھ اس موضوع پر کوئی ملاقات نہیں کی۔ انہوں نے کہا کہ صدر نے تقریر میں یہ بات مذاق کے طور پر کہی تھی۔