سی ٹی ڈی اور جوائنٹ ٹیم نے کوہاٹ پولیس لائنز حملے میں ملوث دہشت گرد نیٹ ورک کا سراغ لگالیا۔
تفتیشی حکام کےمطابق دو دہشت گرد تنظیموں نے مل کر حملے کی منصوبہ بندی کی تھی جبکہ دہشت گردوں نے حملے سے قبل کوہاٹ میں کچھ روز قیام بھی کیا۔
دہشت گردوں نے کوہاٹ میں جس مکان میں قیام کیا، وہاں چھاپہ مارا گیا۔ کارروائی کے دوران کچھ گرفتاریاں عمل میں لائی گئیں اور اہم شواہد بھی اکٹھے کیے گئے۔
حکام نے خودکش حملہ آور کی گاڑی کا ڈیٹا اور دیگر تفصیلات بھی حاصل کرلی ہیں۔ تفتیشی حکام کے مطابق دہشت گردوں نے گزشتہ سال بھی کوہاٹ پولیس لائنز پرحملے کی منصوبہ بندی کی تھی تاہم حملے سے قبل ہی دہشت گردوں کو گرفتارکرکے ان کے عزائم کو ناکام بنادیا گیا تھا۔
About The Author
