ایشین گیمز والی بال: ایران نے پاکستان کو شکست دیکر فائنل میں جگہ بنا لی -

ایشین گیمز 2026 کے مینز والی بال سیمی فائنل میں ایران نے پاکستان کو شکست دے دی۔ایرانی ٹیم نے پاکستان کو اسٹریٹ سیٹس میں 3-0 سے ہرایا۔ ایران نے تینوں سیٹس میں اپنی برتری برقرار رکھی۔

ایران نے پہلا سیٹ 25-13 سے جیتا۔ دوسرے سیٹ میں بھی ایرانی ٹیم نے پاکستان کو دباؤ میں رکھا۔ایران نے دوسرا سیٹ 25-11 سے اپنے نام کیا۔ تیسرے سیٹ میں بھی پاکستان کو مشکلات کا سامنا رہا۔ایرانی ٹیم نے تیسرا سیٹ 25-15 سے جیت لیا۔ یوں ایران نے فائنل میں جگہ بنا لی۔

ایران کی کامیابی میں علی ہاجی پور نے اہم کردار ادا کیا۔ انہوں نے میچ میں 21 پوائنٹس حاصل کیے۔پاکستان کی جانب سے فریاد علی عثمان نمایاں رہے۔ انہوں نے قومی ٹیم کے لیے 11 پوائنٹس اسکور کیے۔

سیمی فائنل میں شکست کے بعد پاکستان کی ٹیم اب تیسری پوزیشن کے میچ میں حصہ لے گی۔قومی ٹیم ایشین گیمز میں کانسی کے تمغے کے لیے میدان میں اترے گی۔ پاکستان نے اس سے قبل کوارٹر فائنل میں بھارت کو 3-0 سے شکست دی تھی۔پاکستان نے بھارت کے خلاف 25-19، 25-23 اور 25-18 سے کامیابی حاصل کی تھی۔ایران اس کامیابی کے بعد ایشین گیمز کے فائنل میں پہنچ گیا ہے۔