وزیراعظم محمد شہباز شریف کی آذربائجان کے سفارت خانے آمد۔۔۔ آذری سفیر خضر فرہادوف سے ملاقات کی اور قزاقستان کے علاقے اکٹاؤ (Aktau) میں آذربائجان کے ہوائی جہاز کو پیش آنے والے حادثے اور اس میں قیمتی جانوں کے ضیاع پر اظہار افسوس کا اظہار کیا۔۔۔ جاں بحق ہونے والے افراد کے لیے دعائے مغفرت اور لواحقین کے لیے صبر و استقامت اور زخمیوں کی جلد از جلد صحتیابی کے لیے دعا کی۔۔۔
وزیراعظم نے کہا دکھ کی اس گھڑی میں حکومت پاکستان اور پاکستانی عوام آذربائجان کے بھائیوں اور بہنوں کے ساتھ مکمل یکجہتی کا اظہار کرتے ہیں،
آذربائجان اور پاکستان کے مابین مشترکہ مذہبی اور ثقافتی اقدار پر مبنی بھائی چارے کے مضبوط تعلقات ہیں۔۔آذربائجان کے سفیر خضر فرہادوف (Khazar Farhadov) نے وزیراعظم کی تشریف آوری پر شکریہ ادا کیا ۔۔۔انہوں نے کہا دکھ کی اس گھڑی میں وزیراعظم پاکستان کا آذربائجان کے سفارت خانے آ کر اظہار افسوس کرنا ہمارے لیے انتہائی قابل قدر ہے۔۔
وزیر اطلاعات و نشریات عطا اللہ تارڑ اور معاون خصوصی طارق فاطمی بھی وزیراعظم کے ہمراہ تھے
