سیکیورٹیز اینڈ ایکسچینج کمیشن آف پاکستان (ایس ای سی پی) نے کہا ہے کہ دسمبر 2023 سے اب تک حکومت اسٹاک مارکیٹ سے 2250 ارب روپے قرض لے چکی ہے۔۔۔
ایس ای سی پی نے کہا کہ حکومت نے یہ قرض اسلامی پروڈکٹس فروخت کر کے حاصل کیا۔۔۔۔ کمیشن نے حکومت کیلئے اسلامک اجارہ سکوک بانڈز کی 18 نیلامیاں کیں جس میں حکومت کو 2250 ارب روپے قرض مل گیا۔۔
وزارت خزانہ نے اسٹاک مارکیٹ کا دائرہ شریعت کے مطابق حکومتی قرضہ سیکیورٹیز کے اجراء تک وسیع کیا تاکہ حکومت کو بہتر قیمت پر اسلامک بانڈز کی فروخت کے ذریعے قرض بآسانی مل سکے۔۔
اجارہ سکوک کے اجرا سے نہ صرف بینک، مالیاتی ادارے، میوچل فنڈز، کارپوریٹ کمپنیاں، اوورسیز پاکستانیز اور انفرادی سرمایہ کار بھی شرعی اصولوں کے تحت جاری سیکیورٹیز میں انویسٹمنٹ کر سکتے ہیں۔۔
