امارات کا دوٹوک ردعمل: "سوڈانی کمپنیوں پر امریکی الزامات بے بنیاد، کوئی سرگرمی ریکارڈ پر نہیں” -

امریکہ کی جانب سے سوڈان سے منسلک سات کمپنیوں پر عائد کردہ تازہ پابندیوں کے تناظر میں، متحدہ عرب امارات نے واضح موقف اختیار کرتے ہوئے کہا ہے کہ یہ کمپنیاں نہ تو ملک میں رجسٹرڈ ہیں اور نہ ہی فعال۔

امریکی پابندیوں کی زد میں آنے والی کمپنیاں

Capital Tap Holding LLC
Capital Tap Management Consultancies LLC
Capital Tap General Trading LLC
Takhleeq Azgar LLC
Al Yaqout Gold & Al Zumurrud and Jewellers LLC
Al Jall Al Qadeem General Trading LLC
Horizon Advanced Solutions General Trading LLC

ان کمپنیوں پر سوڈان کے جنگجو گروہوں کو مبینہ مالی اور لاجسٹک مدد فراہم کرنے کا الزام ہے۔

متحدہ عرب امارات کی وزارت انصاف نے جمعہ کو ایک باضابطہ بیان میں اعلان کیا کہ”امارات میں ان کمپنیوں کو نہ تو کوئی کاروباری لائسنس جاری کیا گیا ہے اور نہ ہی ان کی کوئی تجارتی سرگرمی ملک کے اندر ریکارڈ کی گئی ہے۔”وزارت نے مزید کہا کہ ان معلومات کی تصدیق کے لیے اندرونی تحقیقات کی گئیں، جس میں متعلقہ ریگولیٹری اداروں نے حصہ لیا۔

اماراتی وزارت نے امریکی حکام سے رابطہ کرکے تحقیقات میں معاونت کے لیے تفصیلات فراہم کرنے کی درخواست بھی کی ہے۔ بیان میں کہا گیا کہ "متحدہ عرب امارات اپنے مالیاتی نظام کی سالمیت کے لیے پرعزم ہے اور مشکوک سرگرمیوں کی سخت نگرانی جاری رکھی جائے گی۔”