کشمیر میں کشیدگی کے بعد روس کی ثالثی کی پیشکش، بھارت و پاکستان کو سفارتی راستہ اختیار کرنے کا مشورہ
روسی حکومت نے کشمیر میں تازہ دہشت گرد حملے اور اس کے بعد بھارت و پاکستان کے درمیان بڑھتے ہوئے تناؤ پر تشویش کا اظہار کرتے ہوئے ثالثی کی پیشکش کر دی ہے۔ ماسکو نے کہا ہے کہ اگر دونوں ممالک آمادگی ظاہر کریں تو وہ ایک غیرجانبدار سفارتی سہولت کار کا کردار ادا کرنے کے لیے تیار ہے۔
یہ بیان روسی وزیر خارجہ سرگئی لاوروف اور پاکستانی وزیر خارجہ و نائب وزیر اعظم اسحاق ڈار کے درمیان اتوار کو ہونے والی ٹیلیفونک گفتگو کے بعد سامنے آیا۔ روسی وزارت خارجہ کے مطابق دونوں رہنماؤں نے جنوبی ایشیا کی بگڑتی ہوئی صورتحال اور کشیدگی کے ممکنہ مضمرات پر تبادلہ خیال کیا۔
ماسکو کا کہنا ہے کہ وہ عشروں پر محیط اعتماد اور دفاعی تعلقات کے باوجود ہندوستان اور پاکستان دونوں کے ساتھ متوازن روابط رکھتا ہے۔ روس نے واضح کیا کہ”کسی بھی ثالثی یا سہولت کاری کا عمل صرف اسی صورت میں ممکن ہوگا جب دونوں فریقین متفقہ طور پر اس کی منظوری دیں۔”
About The Author
