پاکستان اور ترکیہ کے تعلقات میں مزید وسعت آ رہی ہے، جو دونوں برادر ممالک کے درمیان اسٹریٹجک شراکت داری کے نئے دور کی نشاندہی کرتی ہے۔ پنجاب اسمبلی کے اسپیکر ملک محمد احمد خان سے پاکستان میں ترکیہ کے سفیر عرفان نذیر اوعلو کی ملاقات میں اسی تعاون کو مزید مضبوط بنانے کے عزم کا اظہار کیا گیا۔
دوطرفہ تعلقات، علاقائی امن اور معاشی تعاون پر زور
ملاقات کے دوران جنوبی ایشیا میں حالیہ کشیدگی کے تناظر میں ترک صدر رجب طیب ایردوان اور ترک عوام کی پاکستان سے یکجہتی پر اسپیکر نے تہہ دل سے شکریہ ادا کیا۔اسپیکر نے کہا، "ترک عوام نے ہر نازک لمحے میں پاکستان کا ساتھ دے کر بھائی چارے کے رشتے کو نئی بلندی عطا کی ہے۔”انہوں نے مزید کہا کہ پاکستان ترکیہ کے ساتھ اسٹریٹجک شراکت داری کو مزید مضبوط دیکھنا چاہتا ہے کیونکہ دونوں ممالک مذہبی، ثقافتی اور تاریخی اقدار میں بندھے ہوئے ہیں۔
پارلیمانی روابط کو فروغ دینے پر اتفاق
ملاقات میں پارلیمانی وفود کے باہمی تبادلے اور ینگ پارلیمنٹرینز فورم (YPF) جیسے پلیٹ فارمز کی اہمیت پر بھی تبادلہ خیال کیا گیا۔ترک سفیر نے YPF کے قیام پر اسپیکر کے کردار کو سراہتے ہوئے کہا”ایسے اقدامات نئی نسل کو قومی قیادت میں شامل کرنے اور جمہوری اقدار کو فروغ دینے کے لیے اہم ہیں۔”
سرمایہ کاری اور اقتصادی شراکت
اسپیکر احمد خان نے ترک سرمایہ کاروں کو پاکستان میں سرمایہ کاری کے بے پناہ مواقع سے فائدہ اٹھانے کی دعوت دی۔ انہوں نے کہا کہ”پاکستان میں ترکیہ کے سرمایہ کاروں کے لیے توانائی، زراعت، سیاحت اور انفراسٹرکچر میں شاندار امکانات موجود ہیں۔”
ترکیہ کی جانب سے خیرسگالی کے جذبات
ترک سفیر عرفان نذیر اوعلو نے پاکستان کی فوجی و سفارتی کامیابیوں پر قوم، وزیراعظم اور افواج پاکستان کو مبارکباد دی۔دونوں ممالک کے درمیان تعلقات کو "ہر شعبے میں وسعت دینے” کی ترکیہ کی خواہش کا اعادہ کیا۔
اجلاس میں شریک اہم شخصیات:
- صدر YPF: آمنہ حسن
- جنرل سیکرٹری: سلمان شاہد
- اراکین اسمبلی: سلطان طارق باجوہ، اسامہ فضل رانا، منصور اعظم
- سیکرٹری جنرل پنجاب اسمبلی: چوہدری عامر حبیب
- پرنسپل سیکرٹری برائے اسپیکر: عماد حسین بھلی
About The Author
