آڈٹ رپورٹ میں انکشاف کیا گیا ہے کہ پاکستان گزشتہ 40 سال سے پانچ ملکوں سے 30 کروڑ 45 لاکھ ڈالر واپس لینے میں ناکام رہا
آڈٹ دستاویزات کےمطابق سری لنکا،بنگلہ دیش، عراق،سوڈان اور گنی بساؤ نے 40 سال گزرنے کے باوجود پاکستان کو 30 کروڑ 45 لاکھ ڈالر واپس نہیں کیے۔۔ پاکستانی کرنسی میں یہ رقم 86 ارب روپے سے زائد بنتی ہے ۔۔
آڈٹ رپورٹ میں کہا گیا ہے کہ پاکستان نے اسی اور نوے کی دہائی میں ان ممالک کو ایکسپورٹ کریڈٹ دیا تھا۔۔ عراق نے سب سے زیادہ 23 کروڑ 13 لاکھ ڈالر ادا کرنے ہیں۔۔
سوڈان سے 4 کروڑ 66 لاکھ ڈالر ، بنگلہ دیش نے شوگر پلانٹ اورسیمنٹ کی مد میں 2 کروڑ 14 لاکھ ڈالر واپس لینے ہیں۔۔
افریقی ملک گنی بساؤ پر 36 لاکھ 53 ہزار ڈالر واجب الادا ہیں۔۔ آڈیٹرجنرل آفس نے 07-2006 میں اس ریکوری کی نشاندہی کی تھی۔۔
حکام وزارت اقتصادی امورکاکہنا ہے کہ دفترخارجہ کےذریعے ریکوری کیلئےکوشاں ہیں،ڈپلومیٹک چینل اور مشترکہ وزارتی کمیٹیز کے ذریعے بھی کوششیں کی گئیں،ان پانچ ملکوں کو یاددہانی کے خطوط اور ڈیمانڈ نوٹسزبھی بھجوائے جا چکے ہیں۔۔ ،آڈیٹر جنرل نے رقم ریکور کرنے کیلئے معاملہ مناسب سطح پر اٹھانے کی سفارش کی ہے۔۔
