پاکستان کا نیا ریموٹ سینسنگ سیٹلائٹ کامیابی سے مدار میں داخل ہوگیا۔۔
سپاکو کے ترجمان نے بتایا کہ پاکستان کا جدید ریموٹ سینسنگ سیٹلائٹ نے گراؤنڈ اسٹیشنز سے مستحکم رابطہ بھی قائم کر لیا اور ہائی ریزولوشن تصاویر زمین پر بھیجنے کا عمل شروع ہوچکا۔
ترجمان سپارکو کے مطابق اس سیٹلائیٹ کی مدد سےشہری منصوبہ بندی اور انفراسٹرکچر ڈیولپمنٹ میں انقلاب آئے گا۔ سیٹلائٹ قدرتی آفات کی بروقت مانیٹرنگ میں معاون ثابت ہوگا۔
ترجمان نے بتایا سیلاب، زلزلے اور لینڈ سلائیڈنگ کے فوری ڈیٹا سے ریلیف ممکن ہوگا۔ ماحولیات میں گلیشیئر پگھلنے اور جنگلات کی کٹائی کی نگرانی ممکن ہوگی۔ زراعت میں فصلوں کی نقشہ سازی اور پانی کے وسائل کے بہتر استعمال میں مددملے گی۔
ترجمان کے مطابق سیٹلائٹ غذائی تحفظ اور زرعی پیداوار بڑھانے میں اہم کردار ادا کرے گا۔ سی پیک منصوبوں میں جغرافیائی خطرات کی شناخت اور نیٹ ورکس کی نقشہ سازی ممکن ہوگی۔پائیدار سماجی و اقتصادی ترقی کے لیے فیصلہ سازی میں بہتری آئے گی۔
ترجمان سپارکو کے مطابق سیٹلائٹ کی مدار میں کامیاب گردش پاکستان کی تکنیکی خودمختاری اور خلا پر مبنی ٹیکنالوجی میں بڑا قدم ہے۔
