لاہور — ضلعی انتظامیہ لاہور نے تمام تھیٹرز کو ہدایت کی ہے کہ وہ اپنے ڈراموں کے اوقاتِ کار کی سختی سے پابندی کریں، خلاف ورزی کی صورت میں فوری کارروائی عمل میں لائی جائے گی۔
انتظامیہ کی جانب سے جاری بیان میں کہا گیا ہے کہ تمام تھیٹر ہالز کو پابند کیا گیا ہے کہ وہ مقررہ ڈرامہ اوقات کے دوران اپنے سی سی ٹی وی کیمرے آن رکھیں تاکہ مکمل نگرانی کو یقینی بنایا جا سکے۔
ہدایت نامے کے مطابق اگر کسی بھی تھیٹر میں قواعد و ضوابط کی خلاف ورزی پائی گئی تو متعلقہ تھیٹر کو فوری طور پر سیل کر دیا جائے گا۔
انتظامیہ نے واضح کیا کہ ان اقدامات کا مقصد عوامی نظم و ضبط برقرار رکھنا اور تھیٹرز میں غیر اخلاقی یا غیر قانونی سرگرمیوں کی روک تھام کو یقینی بنانا ہے۔
