بیجنگ: چین نے بین الاقوامی مسافروں کی ملک میں آمد کو تیز اور آسان بنانے کے لیے ڈیجیٹل ٹریول ڈیکلریشن سروس کا باقاعدہ آغاز کر دیا ہے، جو جمعرات سے نافذ العمل ہو گئی ہے۔
چائنا گلوبل ٹیلی ویژن نیٹ ورک کے مطابق، یہ نئی سہولت چین کی نیشنل امیگریشن ایڈمنسٹریشن نے متعارف کرائی ہے، جس کا مقصد سرحدی عمل کو مزید مؤثر اور تیز رفتار بنانا ہے۔
اب مسافر اپنا ٹریول ڈیکلریشن مختلف ڈیجیٹل ذرائع سے مکمل کر سکتے ہیں، جن میں سرکاری ویب سائٹ، حکومتی سروس پلیٹ فارم، 12367 ایپ، وی چیٹ اور علی پے منی پروگرامز شامل ہیں۔ مسافر موبائل فون پر کیو آر کوڈ اسکین کر کے بھی یہ عمل مکمل کر سکتے ہیں، جبکہ بارڈر پوائنٹس پر سیلف سروس کیوسکس بھی دستیاب ہوں گے۔
مزید برآں، روایتی کاغذی آمد کارڈ اب بھی متبادل کے طور پر بدستور استعمال کیا جا سکتا ہے تاکہ مسافروں کے لیے سہولت میں کوئی رکاوٹ نہ آئے۔
About The Author
