ریاض – سعودی عرب کی وزارت خارجہ نے ہفتے کو یمن کے جنوبی دھڑوں سے اپیل کی ہے کہ وہ ریاض میں ہونے والی کانفرنس میں فعال طور پر شرکت کریں تاکہ یمن کے جنوبی مسئلے (جنوبی کاز) کا ایک جامع اور منصفانہ سیاسی حل تلاش کیا جا سکے۔
سوشل میڈیا پر جاری بیان میں وزارت نے کہا کہ یہ کانفرنس یمن کی صدارتی قیادت کونسل کے سربراہ رشاد العلیمی کی درخواست پر منعقد کی جا رہی ہے، جس کا مقصد تمام جنوبی دھڑوں کو ایک میز پر لانا اور بات چیت کے ذریعے ایک مشترکہ وژن تیار کرنا ہے۔
وزارت خارجہ نے مزید واضح کیا کہ جنوبی کاز تاریخی اور سماجی اہمیت رکھتا ہے اور اس کا حل صرف جامع سیاسی فریم ورک کے تحت مذاکرات کے ذریعے ممکن ہے۔ بیان میں زور دیا گیا کہ کانفرنس میں شمولیت سے جنوبی عوام کی جائز امنگوں کو پورا کرنے والے فیصلے میں مدد ملے گی۔
About The Author
