ویٹیکن سٹی – پوپ لیو نے وینزویلا سے مطالبہ کیا ہے کہ وہ ایک آزاد اور خودمختار ملک کے طور پر قائم رہے، اور امریکہ کی جانب سے صدر نکولس مادورو کی حکومت کے تختہ الٹنے کے بعد ہونے والی پیشرفت پر "تشویش سے بھری روح” کے ساتھ نظر رکھ رہے ہیں۔
پوپ لیو نے انسانی حقوق کے احترام اور قانون کی حکمرانی پر زور دیا، جیسا کہ وینزویلا کے آئین میں درج ہے، اور کہا کہ ملک کی خودمختاری کی حفاظت کے ساتھ تشدد پر قابو پانے اور انصاف و امن کی راہوں پر گامزن ہونے میں تاخیر نہیں ہونی چاہیے۔
پوپ نے اتوار کی نماز کے دوران سینٹ پیٹرز اسکوائر میں جمع زائرین سے خطاب کرتے ہوئے کہا، "پیارے وینزویلا کے لوگوں کی بھلائی کو ہر دوسرے خیال پر غالب ہونا چاہیے۔”
واضح رہے کہ امریکی صدر ڈونلڈ ٹرمپ نے مادورو کو گرفتار کرنے کے لیے چھاپے کا حکم دیا تھا، جس کے بعد امریکہ وینزویلا کے تیل کے ذخائر پر قابض ہونے کا دعویٰ کر رہا ہے۔ پوپ لیو، جو ٹرمپ کی کچھ پالیسیوں پر پہلے بھی تنقید کر چکے ہیں، نے دسمبر میں امریکی صدر سے مطالبہ کیا تھا کہ وہ فوجی طاقت کا استعمال کرتے ہوئے مادورو کو بے دخل نہ کریں۔
About The Author
