کینیبرا — آسٹریلیا نے اعلان کیا ہے کہ اس کا افغان سفارتخانہ جون 2026 کے بعد بند کر دیا جائے گا۔ آسٹریلوی محکمہ خارجہ و تجارتی امور کے مطابق طالبان کے متعین سفارتکار یا اعزازی قونصل سمیت کسی بھی نمائندے کو قبول نہیں کیا جائے گا۔
محکمہ خارجہ نے بیان میں کہا کہ طالبان رجیم کی غیر جمہوری اور پُرتشدد پالیسیوں کے نتیجے میں افغانستان کو عالمی سطح پر تنہائی کا سامنا ہے۔ آسٹریلوی حکومت نے طالبان کو افغان عوام کے جائز نمائندے کے طور پر تسلیم کرنے سے بھی انکار کیا ہے۔
بیان میں مزید کہا گیا کہ طالبان حکومت کی جانب سے انسانی حقوق کی خلاف ورزیاں اور اختلاف رائے پر پابندیاں ناقابل قبول ہیں، اور اس پر عالمی سطح پر تشویش ظاہر کی گئی ہے۔
افغان شہریوں پر اثرات
ریفیوجی کونسل آسٹریلیا کے مطابق افغانستان میں شہری طالبان رجیم کے اداروں سے دستاویزات حاصل کرنے سے خوفزدہ ہیں، جس کی وجہ سے بہت سے افغان شہری اپنی روزمرہ سرگرمیوں اور بین الاقوامی رابطوں میں مشکلات کا سامنا کر رہے ہیں۔
About The Author
