جرمنی میں جاری جرمن جونئیر اوپن سکواش چیمپئن شپ کے دوسرے راؤنڈ میں پاکستان کی علی سسٹرز نے عمدہ کارکردگی دکھاتے ہوئے اپنے اپنے میچز جیت لیے۔
پاکستان کی ابھرتی ہوئی کھلاڑی ماہ نور علی نے حریف رافیلا گوئڈونی کو یکطرفہ مقابلے کے بعد 11-4، 11-4 اور 11-7 سے شکست دے کر اگلے مرحلے کے لیے کوالیفائی کرلیا۔
دوسری جانب سحرش علی نے بھی شاندار کھیل پیش کرتے ہوئے نیریا ساسترے کو 11-6، 11-2 اور 11-2 سے ہرایا اور ٹورنامنٹ میں اپنی پیش قدمی جاری رکھی۔
دونوں پاکستانی کھلاڑیوں کی کامیابی کو قومی اسکواش کے لیے مثبت پیش رفت قرار دیا جا رہا ہے اور آئندہ راؤنڈز میں بھی ان سے اچھی کارکردگی کی توقع کی جا رہی ہے۔
About The Author
