قومی ٹی ٹوئنٹی کپ کے انعقاد کے مقام میں ایک بار پھر تبدیلی کر دی گئی ہے اور بالآخر ٹورنامنٹ کی میزبانی دوبارہ Peshawar کو سونپ دی گئی ہے۔
تفصیلات کے مطابق پاکستان کرکٹ بورڈ نے اس حوالے سے خیبرپختونخوا حکومت کو باضابطہ طور پر آگاہ کر دیا ہے۔ اس سے قبل 5 مارچ سے شروع ہونے والے ٹورنامنٹ کو پہلے پشاور سے Rawalpindi منتقل کیا گیا، بعد ازاں گزشتہ روز اسے Multan شفٹ کرنے کا فیصلہ کیا گیا تھا۔ تاہم تازہ فیصلے کے تحت میزبانی ایک بار پھر پشاور کے سپرد کر دی گئی ہے۔
محکمہ کھیل خیبرپختونخوا کے مطابق ٹی ٹوئنٹی کرکٹ ٹورنامنٹ اب 6 مارچ سے شروع ہوگا۔ وینیو میں بار بار تبدیلی کی وجوہات باضابطہ طور پر واضح نہیں کی گئیں، تاہم انتظامی اور سیکیورٹی امور کو اس کی ممکنہ وجہ قرار دیا جا رہا ہے۔
ٹیموں اور آفیشلز کو نئے شیڈول اور انتظامات سے متعلق آگاہ کیا جا رہا ہے، جبکہ مقامی انتظامیہ اسپورٹس کمپلیکس میں تیاریاں مکمل کرنے میں مصروف ہے۔ بار بار وینیو کی تبدیلی سے ٹیموں کی تیاریوں اور لاجسٹکس پر اثرات مرتب ہونے کا امکان ظاہر کیا جا رہا ہے۔
About The Author
