احمد آباد – ICC Men’s T20 World Cup کے فائنل میں آج دفاعی چیمپئن India national cricket team اور New Zealand national cricket team کی ٹیمیں ٹائٹل کے لیے آمنے سامنے ہوں گی۔ یہ بڑا مقابلہ Narendra Modi Stadium احمد آباد میں کھیلا جائے گا جہاں دونوں ٹیمیں شام کو میدان میں اتریں گی۔
میزبان اور دفاعی چیمپئن بھارت اپنے ہوم گراؤنڈ پر کامیابی حاصل کرنے کے لیے پُرامید ہے، جبکہ نیوزی لینڈ کی ٹیم پہلی مرتبہ ٹی ٹوئنٹی ورلڈ کپ جیتنے کے عزم کے ساتھ میدان میں اترے گی۔ اگر بھارت یہ فائنل جیتنے میں کامیاب ہو جاتا ہے تو وہ اپنے ہوم گراؤنڈ پر ٹی ٹوئنٹی ورلڈ کپ جیتنے اور ٹائٹل کا کامیاب دفاع کرنے والی پہلی ٹیم بن جائے گا۔ دوسری جانب نیوزی لینڈ کی ٹیم اس میچ میں کامیابی حاصل کر کے اپنی تاریخ کی پہلی ٹی ٹوئنٹی ورلڈ کپ ٹرافی اپنے نام کرنے کی کوشش کرے گی۔
اعداد و شمار کے مطابق دونوں ٹیموں کے درمیان اب تک 30 ٹی ٹوئنٹی انٹرنیشنل میچز کھیلے جا چکے ہیں جن میں بھارت نے 18 جبکہ نیوزی لینڈ نے 11 میچز جیتے ہیں، جبکہ تین مقابلے برابر رہے۔ ان میں سے دو میچز سپر اوور میں بھارت کے نام رہے جبکہ ایک مقابلہ ڈی ایل ایس طریقہ کار کے تحت برابر قرار پایا۔
تاہم ٹی ٹوئنٹی ورلڈ کپ کی تاریخ میں صورتحال مختلف رہی ہے جہاں دونوں ٹیموں کے درمیان اب تک تین میچز کھیلے گئے اور تینوں میں نیوزی لینڈ نے کامیابی حاصل کی جبکہ بھارت کو کوئی فتح نہیں مل سکی۔
بھارت اور نیوزی لینڈ کے درمیان ٹی ٹوئنٹی مقابلوں میں سب سے زیادہ رنز بنانے والے کھلاڑیوں میں Suryakumar Yadav سرفہرست ہیں جنہوں نے 13 میچز میں 526 رنز اسکور کیے۔ ان کے بعد Rohit Sharma 511 رنز کے ساتھ دوسرے نمبر پر ہیں۔ نیوزی لینڈ کے Colin Munro 426، Tim Seifert 425 اور Kane Williamson 419 رنز کے ساتھ نمایاں بیٹرز میں شامل ہیں۔
بولنگ کے شعبے میں نیوزی لینڈ کے Ish Sodhi سب سے کامیاب بولر ثابت ہوئے ہیں جنہوں نے 25 میچز میں 30 وکٹیں حاصل کی ہیں۔ ان کے بعد Mitchell Santner 23 اور Tim Southee 20 وکٹوں کے ساتھ نمایاں ہیں۔ بھارت کی جانب سے Arshdeep Singh 17 جبکہ Jasprit Bumrah 16 وکٹوں کے ساتھ نمایاں بولرز میں شامل ہیں۔
ٹی ٹوئنٹی ورلڈ کپ مقابلوں میں بھارت اور نیوزی لینڈ کے درمیان سب سے زیادہ رنز MS Dhoni نے بنائے جنہوں نے دو میچز میں 54 رنز اسکور کیے۔ اس فہرست میں Gautam Gambhir 51، Daryl Mitchell 49 اور Brendon McCullum 45 رنز کے ساتھ نمایاں رہے۔
اسی طرح ورلڈ کپ مقابلوں میں سب سے زیادہ وکٹیں بھی ایش سودھی نے حاصل کیں جنہوں نے پانچ وکٹیں حاصل کیں۔ Daniel Vettori اور مچل سینٹنر چار چار وکٹوں کے ساتھ نمایاں رہے جبکہ Trent Boult اور بھارت کے جسپریت بمراہ نے تین تین وکٹیں حاصل کیں۔
کرکٹ شائقین کو امید ہے کہ دونوں مضبوط ٹیموں کے درمیان آج ایک سنسنی خیز اور یادگار فائنل دیکھنے کو ملے گا۔
About The Author
