فیفا کا ایران کے میچز امریکا سے میکسیکو منتقل کرنے سے انکار، بائیکاٹ کا عندیہ -

FIFA نے ایران کے ورلڈ کپ میچز امریکا سے میکسیکو منتقل کرنے کی درخواست مسترد کر دی ہے، جس کے بعد معاملہ مزید کشیدہ ہو گیا ہے۔

فیفا ترجمان کے مطابق FIFA World Cup 2026 کے تمام میچز پہلے سے طے شدہ شیڈول کے مطابق ہی ہوں گے اور کسی قسم کی تبدیلی زیر غور نہیں۔ انہوں نے کہا کہ تنظیم میگا ایونٹ میں شریک تمام ٹیموں سے مسلسل رابطے میں ہے اور 6 دسمبر 2025 کو جاری کردہ شیڈول کے مطابق مقابلے کروانے کے لیے پرعزم ہے۔

دوسری جانب ایران کے وزیر کھیل نے فیفا کے فیصلے پر ردعمل دیتے ہوئے ورلڈ کپ کے ممکنہ بائیکاٹ کا عندیہ دیا ہے، جس سے صورتحال مزید پیچیدہ ہو سکتی ہے۔

اس سے قبل Iran Football Federation نے سیکیورٹی خدشات کے پیش نظر فیفا سے مطالبہ کیا تھا کہ ایران کے میچز امریکا کے بجائے میکسیکو منتقل کیے جائیں۔ فیڈریشن کے صدر Mehdi Taj نے کہا تھا کہ اس حوالے سے بات چیت جاری ہے۔

یہ تنازع اس وقت شدت اختیار کر گیا جب امریکی صدر Donald Trump نے حالیہ بیان میں کہا کہ ایرانی ٹیم کے لیے سیکیورٹی کے لحاظ سے بہتر ہوگا کہ وہ امریکا نہ آئے۔

ماہرین کے مطابق اگر ایران واقعی بائیکاٹ کرتا ہے تو یہ نہ صرف ٹورنامنٹ بلکہ عالمی فٹبال پر بھی گہرے اثرات مرتب کر سکتا ہے۔