بنوں میں تیز بارشوں نے تباہی مچادی۔ کئی گھروں کی چھتیں گرگئیں ۔ چھتیں گرنے سے 9 افراد جاں بحق اور 40 زخمی ہوئے۔
کوٹکہ غلام قادر میں برآمدہ گرنے سے دو بچے جاں بحق جبکہ 35افراد زخمی ہوئے ۔ والخئ ممہ خیل میں کمرے کی چھت گرنے سے دو بچے جاں بحق اور ایک زخمی ہوا ۔ شمدی کلہ مندیو میں بھی کمرے کی چھت گرنے سے خاتون کی جان چلی گئی۔
پی ڈی ایم اے نے بھی 25 مارچ سے جاری بارشوں پر جانی و مالی نقصانات کی ابتدائی رپورٹ جاری کردی، بارشوں سے مختلف اضلاع میں 9 افراد جاں بحق، 47 زخمی ہوئے۔ حادثات بنوں اور شمالی وزیرستان میں پیش آئے۔ صوبے میں بارشوں کا سلسلہ وقفے وقفے سے منگل تک جاری رہنے کا امکان ہے۔
About The Author
