امریکا اور ایران کے درمیان بڑھتی کشیدگی کے اثرات کے پیش نظر حکومت نے اہم ممالک میں تعینات پاکستانی سفرا سے مشاورت کا فیصلہ کر لیا ۔۔
اسلام آباد میں پاکستانی سفرا کی منی کانفرنس کل اور پرسوں منعقد ہوگی جس میں مشرق وسطیٰ اور دیگر اہم خطوں میں تعینات سفرا کو شرکت کے لیے طلب کیا گیا ہے۔
ذرائع کا کہنا ہے کہ کانفرنس میں امریکا اور دیگر ممالک میں تعینات پاکستانی سفرا بھی شریک ہوں گے جبکہ سعودی عرب، متحدہ عرب امارات، کویت، قطر، عمان اور اردن کے سفرا بھی اجلاس کا حصہ ہوں گے۔
اجلاس میں خطے کی مجموعی صورتحال، سفارتی اثرات اور پاکستان کے ممکنہ کردار پر غور کیا جائے گا۔
ذرائع کے مطابق کانفرنس کی سفارشات حکومت کو پیش کی جائیں گی اور پاکستان کے ثالثی کردار سے متعلق آئندہ لائحہ عمل بھی طے کیا جائے گا۔
About The Author
