جرمنی کے اسٹار ٹینس کھلاڑی الیگزینڈر زیوریف نے فرنچ اوپن 2026 کے مینز سنگلز کا ٹائٹل اپنے نام کر لیا۔ انہوں نے فائنل میں اٹلی کے Flavio Cobolli کو ایک طویل اور سنسنی خیز مقابلے کے بعد شکست دے کر اپنے کیریئر کا پہلا گرینڈ سلم اعزاز حاصل کر لیا۔
رولینڈ گیروس میں کھیلے گئے فائنل میں دونوں کھلاڑیوں کے درمیان سخت مقابلہ دیکھنے میں آیا جو 4 گھنٹے 16 منٹ تک جاری رہا۔ پانچ سیٹوں پر مشتمل اس میچ میں الیگزینڈر زیوریف نے 1-6، 6-4، 4-6، 7-6 اور 1-6 کے اسکور سے کامیابی حاصل کی۔
جرمن کھلاڑی نے فیصلہ کن پانچویں سیٹ میں شاندار کھیل کا مظاہرہ کرتے ہوئے اپنے اطالوی حریف پر مکمل برتری قائم رکھی اور بالآخر تاریخی فتح سمیٹ لی۔ اس کامیابی کے ساتھ وہ پہلی مرتبہ کسی گرینڈ سلم ٹورنامنٹ کے چیمپئن بننے میں کامیاب ہوئے۔
فائنل میں فلیویو کوبولی نے بھی بھرپور مزاحمت کی اور چوتھے سیٹ میں ٹائی بریک جیت کر مقابلے کو فیصلہ کن مرحلے تک پہنچایا، تاہم آخری سیٹ میں زیوریف کے تجربے اور جارحانہ کھیل کے سامنے وہ زیادہ دیر نہ ٹھہر سکے۔
About The Author
