ذرائع وزارت خزانہ کے مطابق پنجاب اور سندھ وفاق کو آئندہ مالی سال کے ٹیکس ہدف کی اضافی رقم دیں گے، قومی محاصل کی تقسیم کیلئے این ایف سی کے فارمولے میں کوئی تبدیلی نہیں ہو گی، وفاق رواں مالی سال کے ٹیکس ہدف پر آئندہ مالی سال صوبوں کو محاصل دے گا۔
وزارت خزانہ کے ذرائع کے مطابق پنجاب اور سندھ کے علاوہ کے پی کو بھی گرانٹس دینے کیلئے وفاق نے درخواست کی، این ایف سی شیئر کیلئے آئندہ مالی سال کا ٹیکس ہدف 15264 ارب روپے ہو گا۔
ذرائع کے مطابق رواں سال کی نسبت آئندہ مالی سال ٹیکس ہدف میں 2259 ارب کا اضافہ ہو گا، جبکہ وفاق آئندہ چند برسوں کے دوران میں گرانٹ کی رقم صوبوں کو واپس کرے گا، تاہم وفاق کو پنجاب سے 6 سو ارب روپے کے لگ بھگ فراہم کیے جانے کا امکان ہے۔
حکام کا کہنا ہے کہ آئندہ مالی سال میں سندھ سے 310 ارب روپے وفاق کو دیئے جانے کا امکان ہے۔
ذرائع کے مطابق نائب وزیراعظم و وزیر خارجہ اسحاق ڈار کی زیر صدارت تکنیکی کمیٹی اور پیپلز پارٹی کے درمیان مذاکرات کامیاب رہے، جس کے بعد اس پیش رفت کی راہ ہموار ہوئی۔
About The Author
