دو مرتبہ کی عالمی چیمپئن ویسٹ انڈیز کرکٹ ٹیم آئی سی سی ورلڈ کپ 2027ء کے لیے براہِ راست کوالیفائی نہیں کر سکی۔
ویسٹ انڈیز کو مسلسل دوسری مرتبہ ورلڈ کپ کوالیفائر ایونٹ میں شرکت کرنا ہوگی۔ یہ ایونٹ آئندہ سال فروری میں کھیلا جائے گا۔
ورلڈ کپ 2027ء کی میزبانی جنوبی افریقا، زمبابوے اور نمیبیا کریں گے۔ براہِ راست کوالیفائی کرنے والی ٹیموں کا فیصلہ مقررہ کٹ آف کے مطابق ہوگا۔
30 ستمبر تک ٹاپ 8 ٹیمیں ورلڈ کپ میں براہِ راست جگہ بنائیں گی۔ میزبان ٹیمیں بھی براہِ راست ورلڈ کپ کا حصہ ہوں گی۔
افغانستان نے بیلفاسٹ میں آئرلینڈ کو شکست دے کر براہِ راست کوالیفائی کر لیا ہے۔
آسٹریلیا، بھارت، نیوزی لینڈ، پاکستان، سری لنکا، انگلینڈ اور بنگلا دیش بھی براہِ راست کوالیفائی کر چکے ہیں۔
جنوبی افریقا اور زمبابوے بطور میزبان ٹیمیں پہلے ہی ورلڈ کپ میں شامل ہیں۔
ویسٹ انڈیز مسلسل دوسری مرتبہ کوالیفائر ایونٹ کھیلے گا۔ ٹیم اس سے قبل بھی براہِ راست ورلڈ کپ میں جگہ بنانے میں ناکام رہی تھی۔
آئندہ سال فروری میں ہونے والے کوالیفائر میں ویسٹ انڈیز سمیت چار ٹیمیں حصہ لیں گی۔
کوالیفائر کی فاتح ٹیم ورلڈ کپ کے لیے براہِ راست کوالیفائی کرے گی۔
دوسرے، تیسرے اور چوتھے نمبر کی ٹیموں کو ایک اور موقع ملے گا۔ یہ ٹیمیں سپر سیریز میں حصہ لیں گی۔
سپر سیریز کی ٹاپ ٹیم بھی ورلڈ کپ میں جگہ بنائے گی۔
About The Author
