فیصل آباد سے تعلق رکھنے والی گلوکارہ حرا قیصر نے اپنی آواز اور شاندار پرفارمنس کے ذریعے پاکستان آئیڈل 2026 کا ٹائٹل اپنے نام کر لیا۔ حرا قیصر نے گرینڈ فائنل میں کامیابی حاصل کرکے مقابلے کی فاتح کا اعزاز حاصل کیا۔ کامیابی کے اعلان کے بعد وہ اپنے ننھے بیٹے کو گود میں اٹھائے اسٹیج پر پہنچیں۔ انہوں نے میزبان شفاعت علی سے پاکستان آئیڈل 2026 کا ایوارڈ وصول کیا۔ اس موقع پر حرا قیصر جذباتی ہوگئیں۔ فاتح گلوکارہ کو 15 لاکھ روپے نقد انعام بھی دیا گیا۔
حرا قیصر نے فائنل میں اپنی پرفارمنس سے ججز اور شائقین کی توجہ حاصل کی۔ انہوں نے میکال حسن کا گانا پیش کیا۔ ان کی پرفارمنس کو ججز نے بھرپور سراہا۔ گلوکار عاطف اسلم نے بھی حرا قیصر کی گائیکی کو پسند کیا۔ حرا قیصر نے کامیابی کے بعد پاکستان آئیڈل کی ٹیم اور انہیں سپورٹ کرنے والے تمام افراد کا شکریہ ادا کیا۔ انہوں نے اپنی کامیابی پر خوشی کا اظہار بھی کیا۔
About The Author
