ایشین گیمز: پاکستان کی چین کے خلاف شاندار فتح، والی بال میں برانز میڈل حاصل -

ایشین گیمز میں مینز والی بال کے مقابلے میں پاکستان نے چین کو شکست دے کر برانز میڈل جیت لیا۔جاپان کے شہر ناگویا میں کھیلے گئے تیسری پوزیشن کے میچ میں پاکستان نے چین کو 3-0 سے شکست دی۔پاکستان نے تینوں سیٹس میں مسلسل برتری برقرار رکھی۔ قومی ٹیم نے چین کے خلاف 25-18، 25-16 اور 25-18 سے کامیابی حاصل کی۔

پاکستانی ٹیم نے میچ کا آغاز جارحانہ انداز میں کیا۔ پہلے سیٹ میں پاکستان نے چین کو 25-18 سے شکست دی۔دوسرے سیٹ میں بھی قومی ٹیم نے دباؤ برقرار رکھا۔ پاکستان نے یہ سیٹ 25-16 سے اپنے نام کیا۔تیسرے سیٹ میں پاکستان نے 25-18 سے کامیابی حاصل کی۔ یوں پاکستان نے میچ 3-0 سے جیت کر کانسی کا تمغہ اپنے نام کرلیا۔

دوسری جانب ایشین گیمز کرکٹ کے فائنل میں بھارت نے پاکستان کو شکست دے کر گولڈ میڈل جیت لیا۔بھارت نے پاکستان کو کامیابی کے لیے 212 رنز کا ہدف دیا تھا۔ پاکستانی ٹیم مقررہ ہدف حاصل نہ کرسکی اور 192 رنز بنا سکی۔یوں بھارت نے فائنل 19 رنز سے جیت کر کرکٹ کا گولڈ میڈل حاصل کیا۔ پاکستان کو سلور میڈل پر اکتفا کرنا پڑا۔