یوکرین کے جنوبی شہر زاپوریزیا پر روسی حملے میں تین بچوں سمیت 20 افراد ہلاک اور 18 زخمی ہوگئے۔ خبر رساں ادارے رائٹرز کے مطابق، روسی افواج نے شہر میں رہائشی عمارتوں کو پانچ بموں سے نشانہ بنایا۔ حملے کے نتیجے میں ایک رہائشی عمارت کا حصہ ملبے کا ڈھیر بن گیا۔
حملے کے بعد امدادی کارکنوں نے جائے وقوعہ پر کارروائیاں شروع کردیں۔ اہلکاروں نے ملبے تلے دبے افراد کو نکالنے کی کوششیں کیں۔ تباہ شدہ عمارت میں پھنسے افراد کی تلاش اور امدادی سرگرمیاں جاری رہیں۔یوکرینی صدر وولودیمیر زیلنسکی نے امریکی صدر ڈونلڈ ٹرمپ کے روسی ڈیزل کی برآمدات پر پابندیاں اٹھانے کے فیصلے پر تنقید کی ہے۔
زیلنسکی کے مطابق، ماسکو پر دباؤ کم کرنے سے روس کو مزید حملوں کی حوصلہ افزائی مل رہی ہے۔ انہوں نے روسی حملے کو پابندیوں میں نرمی کے فیصلے سے جوڑتے ہوئے کہا کہ اس طرح کے اقدامات روسی فوجی کارروائیوں کو جاری رکھنے کا موقع دے سکتے ہیں۔
یہ حملہ ایسے وقت میں ہوا ہے جب امریکا، یوکرین اور یورپی حکام جنگ کے خاتمے کے لیے مذاکرات کی کوششیں کر رہے ہیں۔ تاہم، تازہ حملے نے جنگ بندی اور سفارتی حل کی کوششوں کے حوالے سے خدشات بڑھا دیے ہیں۔
About The Author
