اسلام آ باد (وژن پوائنٹ) سپیشل انویسٹمنٹ فیسیلیٹیشن کونسل (ایس آئی ایف سی) کی معاونت سے حکومت کے اقدامات کے ذریعے ملکی معیشت بہتری کی جانب گامزن ہے۔
ذرائع کا کہنا ہے کہ سپیشل انویسٹمنٹ فیسیلیٹیشن کونسل کے تعاون سے کرنٹ اکاؤنٹ بیلنس میں خاطر خواہ اضافہ ہوا۔ کرنٹ اکاؤنٹ بیلنس منفی رہنے کے بعد 75 ملین ڈالر اضافے کیساتھ مثبت ہو گیا۔
آئی ٹی کی بڑھتی ہوئی برآمدات، براہِ راست غیرملکی سرمایہ کاری اور بیرون ملک مقیم پاکستانیوں کی جانب سے موصول ہونے والی ترسیلات زرپاکستان کے کرنٹ اکاؤنٹ بیلنس میں اضافے کا باعث بنیں۔
پاکستان کے مرکزی بینک کی طرف سے جاری کردہ اعداد و شمار کے مطابق اگست 2024 میں پاکستان کا کرنٹ اکاؤنٹ بیلنس تین ماہ تک منفی رہنے کے بعد 75 ملین ڈالر اضافے کے ساتھ مثبت ہو گیا۔
