راولپنڈی : پاکستان تحریک انصاف کے بانی عمران خان کی بہن علیمہ خان نے کہا ہے کہ عمران خان کا کہنا ہے 24 نومبر کی کال پر کوئی کمپرومائز نہیں اور نہ ہی کال واپس لے رہا ہوں۔
علیمہ خان نے اڈیالہ جیل کے باہر میڈیا سے گفتگو میں کہنا تھا کہ عمران خان نے پھر کہا ہے کہ 24 نومبر کو پاکستانیوں کو اپنی ازادی کے لیے نکلنا ہے۔ پانی پی ٹی ائی نے کہا کہ مجھے ڈیڑھ سال میں جیل میں رکھا ہوا ہے اور مجھ پر جائز کیس بھی نہیں بنائے۔ 24 نومبر کی کال پر کوئی سمجھوتہ ہوگا نہ کال واپس لوں گا۔
علیمہ خان نے مزید کہا کہ اپ دیکھ رہے ہیں،جو لوگ اپنی آزادی کے لیے کھڑا ہونا چاہتے ہیں ان پر کتنا ظلم کیا جاتا ہے۔ وقت اگیا ہے کہ آپ کو سمجھ آجائے کہ یہ ظلم کا نظام ہماری آنے والی نسلوں کے لیے مزید بدتر ہوتا جائے گا۔ عمران خان اور ہمیں انڈائریکٹلی یہ کہا جاتا رہا کہ سیاست چھوڑ دیں۔ بات کرنا بند کر دیں اور ملک چھوڑ دیں تو ان کے کیسز معاف ہو جائیں گے۔یہ صرف اس مقصد کے لیے کیا جا رہا تھا کہ وہ اپ کے لیے اواز نہ اٹھا سکیں وہ اپ کے لیے قید میں بیٹھے ہیں۔
علیمہ خان نے کہا کہ عمران خان کہتے ہیں جتنا قید رکھنا ہے رکھ لیں میں اس مافیا کے بنائے گئے نظام کو قبول نہیں کروں گا۔ 8 فروری کو اپ نے ووٹ دے کر ثابت کیا کہ اپ قوم بن کر نکلے اور باشعور قوم ہیں لیکن آپ کا حق اورآزادی چھین لی گئی ہے۔ آپ کی ازادی دوبارہ چھینی گئی ہے اس کے لیے اپ کو 24 نومبر کو نکلنا ہے۔
انہوں نے کہا کہ عمران خان کا کہنا ہے کہ آزادی صرف میری قربانی سے نہیں ائے گی۔ آزادی تب آئے گی جب آپ اس کے لیے خود کھڑے ہوں گے اور اپنا حق مانگیں گے۔24 تاریخ اہم دن ہوگیا ہے یہ فائنل کال ہے۔ یہ لوگ اپ کو گمراہ کر رہے ہیں آپ نے ان کی کسی بات پر نہیں چلنا یہ احتجاج آپ کا آئینی حق ہے۔قاضی فائض عیسی کو اپ نے دیکھ لیا اور عامر فاروق کو بھی اپ نے دیکھ لیا۔ عامر جسٹس عامر فاروق آئین کے خلاف نہیں جا سکتا اس کا کام تھا کہ وہ آئین کو تحفظ دیتا۔ بانی پی ٹی آئی کا پیغام ہے کہ 24 نومبر کو لوگوں کو پرامن احتجاج میں شریک ہونا ہے۔
