دفتر خارجہ کے مطابق مالدیپ کے صدر وزیراعظم شہباز شریف کی دعوت پر پاکستان آئیں گے، ان کے ہمراہ خاتونِ اول، کابینہ کے وزرا اور اعلیٰ حکام پر مشتمل اعلیٰ سطح وفد بھی آئے گا۔
صدر محمد معیزو دورے میں صدرِمملکت آصف علی زرداری سے بھی سے ملاقات کریں گے، مالدیپ کے صدر وزیراعظم شہباز شریف کے ساتھ محدود سطح اور وفود کی سطح پر مذاکرات بھی کریں گے۔
ترجمان نے مزید بتایا کہ دونوں رہنما دوطرفہ تعلقات کے تمام پہلوؤں کا جائزہ لیں گے، باہمی دلچسپی کی علاقائی اور بین الاقوامی پیش رفت پر بھی گفتگو کریں گے۔
اس دورے کے دوران پاکستان مالدیپ بزنس فورم کا انعقاد بھی کیا جائے گا، تجارت، سرمایہ کاری، صحت، تعلیم، سیاحت، زراعت، دفاع، بحری سلامتی پر بات ہوگی، مختلف شعبوں سے متعلق متعدد معاہدوں اور مفاہمتی یادداشتوں پر دستخط کیے جانے کی بھی توقع ہے۔
ترجمان کے مطابق مالدیپ کے کسی صدر کا گیارہ سال بعد پاکستان کا یہ پہلا سرکاری دورہ ہوگا۔
