پاکستان کی قومی ہاکی ٹیم ورلڈ کپ کوالیفائرز میں شرکت کے لیے مصر روانہ ہو گئی ہے۔ ٹیم اسلام آباد سے روانہ ہوئی جبکہ اسکواڈ کی قیادت کپتان عماد بٹ کر رہے ہیں۔
قومی ٹیم ایونٹ میں شرکت کے لیے مصر میں مختلف عالمی ٹیموں کے خلاف اہم میچز کھیلے گی، جہاں اچھی کارکردگی ورلڈ کپ تک رسائی کے لیے ضروری ہوگی۔
پاکستان ہاکی فیڈریشن کے حکام کے مطابق کھلاڑیوں نے روانگی سے قبل تربیتی کیمپ میں بھرپور پریکٹس کی اور ٹیم ایونٹ میں بہتر نتائج کے لیے پُرامید ہے۔
تجزیہ کاروں کا کہنا ہے کہ پاکستان ہاکی ٹیم کے لیے یہ کوالیفائرز نہایت اہم ہیں کیونکہ عالمی سطح پر ٹیم کی رینکنگ اور ورلڈ کپ میں واپسی کا انحصار اسی ٹورنامنٹ کی کارکردگی پر ہے۔
