لاہور میں راستہ نہ ملنے پر سفاک شخص نے اسکوٹی چلانے والی لڑکی کو بدترین تشدد کا نشانہ بنا دیا۔ مزنگ لنک روڈ پر موٹر سائیکل سوار ملزم لڑکی کے سامنے آکر رکا اور اترتے ہی بہیمانہ تشدد کا نشانہ بنایا۔
دو روز قبل ہونے والے واقعے کی سی سی ٹی وی فوٹیج سامنے آگئی۔ فوٹیج میں دیکھا جا سکتا ہے کہ ملزم نے لڑکی کو تھپڑ مارا جس سے وہ زمین پر جا گری، ملزم نے اسی پر بس نہ کیا اور زمین پر گری ہوئی لڑکی پر تھپڑ برساتا رہا ہے۔
تشدد سے لڑکی کے ناک کی ہڈی ٹوٹ گئی، چہرے پر زخم آئے، شور شرابے پر شہری جمع ہوگئے۔ ملزم موٹرسائیکل چھوڑ کر فرار ہوگیا۔
پولیس نے لڑکی کے والد کی مدعیت میں سنگین دفعات کامقدمہ درج کرلیا، تاحال ملزم کو گرفتارنہیں کیا جاسکا۔
