دیامر بھاشا ڈیم پراجیکٹ کا ہائیڈرومکینیکل کنٹریکٹ چینی کمپنی پاور چائنا اور آئیکان کے جوائنٹ وینچر کو دے دیا گیا۔
واپڈا کےترجمان کےمطابق ایچ ایم ون کنٹریکٹ پر دستخط کی تقریب میں پراجیکٹ ڈائریکٹر عارف علی اور جوائنٹ وینچر کےنمائندے لنگ جیانکے نےدستخط کیے،جبکہ چیئرمین واپڈا لیفٹیننٹ جنرل ریٹائرڈ محمد سعید بھی تقریب میں شریک ہوئے،ٹھیکےکی مالیت 133 ارب 18 کروڑ روپے ہے۔
کنٹریکٹ کے تحت ڈیم کےہائیڈرومکینیکل آلات اورہائیڈرالک اسٹیل اسٹرکچرز کی تیاری، فراہمی اور تنصیب شامل ہے،منصوبےمیں پانی کےبہاؤ کوکنٹرول کرنے کےلیےگیٹس اور اسٹیل اسٹرکچرز کی تیاری اور تنصیب بھی کی جائے گی۔
واپڈا کےمطابق یہ آلات ڈیم کی فلشنگ ٹنلز، پاور اِن ٹیک اور ڈیم اِن لیٹ پر نصب کیے جائیں گے، جو پانی کے بہاؤ کو منظم کرنے اور منصوبے کے آپریشن میں اہم کردار ادا کریں گے۔
