بنگلادیش کی معزول وزیراعظم شیخ حسینہ واجد نے وطن واپسی کی تیاری شروع کردی ہے۔ انہوں نے نئی دہلی میں بنگلادیشی سفارتخانے سے نئے سفری دستاویزات کے لیے رجوع کیا ہے۔
خبر رساں ادارے رائٹرز کے مطابق، حسینہ کے وکلا نے 9 نومبر کو سفارتخانے کو خط لکھا۔ اس میں نئے بنگلادیشی پاسپورٹ اور قومی شناختی کارڈ کے اجرا کی درخواست کی گئی۔
یہ درخواست لندن میں قائم قانونی فرم میٹرکس چیمبرز کے وکلا نے دی۔ خط بنگلادیشی سفارتخانے کی قائم مقام ہائی کمشنر پریتی رحمان کے نام لکھا گیا۔
وکلا نے درخواست جلد نمٹانے کی اپیل بھی کی۔ انہوں نے حسینہ کی بنگلادیشی شہریت اور بین الاقوامی انسانی حقوق کی ذمہ داریوں کا حوالہ دیا۔
