نئی دہلی : بھارتی دفاعی ماہر سشانت سنگھ نے مودی اور بھارتی میڈیا پر شدید تنقید کی ہے۔ وقت گزرنے کے ساتھ ساتھ مودی سرکار اور گودی میڈیا کے جھوٹ پردہ چاک ہو رہا ہے۔
دفاعی ماہر سشانت سنگھ کا کہنا تھا کہ ’’نریندری مودی کا امریکی صدر ڈونلڈ ٹرمپ کے دبائو میں آنا انتہائی شرمناک ہے‘‘۔ بھارت کی دیرینہ حکمت عملی تھی کہ پاکستان کے ساتھ کوئی بھی بحران دو طرفہ کے مسئلے طور پر دیکیکھا جائے گا نہ کہ عالمی سطح پر لے جایا جائے گا۔
سشانت سنگھ نے کہا کہ میرے مشاہدے کے مطابق بھارت میں ہندوتوا نظریہ پگھل رہا ہے۔ مودی کو اپنے دعوئوں سے پیچھے ہٹنا پڑاجہاں اس نے کہا تھا کہ پاکستان کیساتھ کوئی امن قائم نہیں کیا جائے گا۔ نریندر مودی اپنی اس شکست کو بھی گودی میڈیا کے ذریعے کامیاب قرار دیتے ہوئے مریکی صدر کے کردار کوپس پشت ڈال دے گا۔
سشانت سنگھ نے مزید کہا کہ صدر ٹرمپ نے ایک بار پھر بھارت اور پاکستان دونوں کو عظیم قومیں کہہ کر ایک صف میں کھڑا کردیا۔ یہ بھارتی خارجہ پالیسی کیلئے بہت بڑا دھچکا ہے جو بھارت کو کئی دہائیاں پیچھے لے گیا ہے۔
سشانت سنگھ کا کہنا تھا کہ نریندر مودی نے اپنے دور حکومت میں یہ بیانیہ بنایا کہ ہماری لڑائی چین کے ساتھ ہے پاکستان کیا چیز ہے۔ نریندر مودی کیلئے یہ صورتحال بہت شرمناک ثابت ہوئی اور بھارتی ساکھ کو بین الاقوامی سطح پر نقصان پہنچا۔
سشانت سنگھ نے مزید کہا کہ مودی نے دیگر موثر آپشنز کو استعمال نہ کرکے خود کو کمزور کردیا اور صرف فوجی کارروائی پر انحصار کی غلطی کی۔ اچھے حکمران ملک کو آگے لیجانے کیلئے دیگر آپشنز بشمول، سفارتی کاری، تجارت اور عوامی سطح کے رابطوں پر عمل پیرا ہوتے ہیں۔
سشانت سنگھ کا کہنا تھا کہ پاکستان نے پانچ بھارتی لڑاکا طیاروںبشمول 3 رافیل طیارے مار گرانے کا دعویٰ کیا جس کی تردید بھارت کی جانب سے بھی نہیں کی گئی ۔ پاکستان کے اس دعوے کی اہمیت جنوبی ایشیا سے باہر بین الاقوامی سطح تک جاتی دکھائی دے رہی ہے۔
سشانت سنگھ نے کہا کہ بھارتی میڈیا نے اس ساری صورتحال میں شرمناک کردار ادا کرتے ہوئے جھوٹ کو پھیلایا۔ اگر کسی بھارتی میڈیا پلیٹ فارم نے سچ سامنے لانے کی کوشش کی تو اس کو دبا دیا گیا۔
انہوں نے کہا کہ سچ سامنے لانے دی وائر چینل کو بلاک اور دی ہندو پر بھارتی طیارے کی تباہی کی خبر کو ہٹوا دیا گیا۔ دلچسپ امر یہ ہے کہ تمام بین الاقوامی میڈیا پلیٹ فارمز پر سٹیلائیٹ کے ذریعے بھارتی طیاروں کی تباہی کی تصدیق کرتے ہوئے اسے رپورٹ کیا، سشانت سنگھ
بھارتی رافیل لڑاکا طیاروں کا چین کی ٹیکنالوجی کی مدد سے پاکستان کے ہاتھوں تباہ ہونا جیوسٹرٹیجک سطح پربہت اہمیت رکھتا ہے۔ بھارتی میڈیا کے مسلسل جھوٹ کی وجہ سے ہمارے سچ کو بھی بین الاقوامی سطح پر نظر انداز کردیا گیا۔ پاکستانی میڈیا چینلز بین الاقوامی سطح پر مستند رپورٹنگ کی وجہ سے توجہ کا مرکز رہے۔
سشانت سنگھ نے کہا کہ سوشل میڈیا پر جھوٹی خبریں پھیلانے کے حوالے سے ہمارے کئی صحافیوں اور ایڈیٹرز کا کردار شرمناک رہا۔ ان صحافیوںاور ایڈیٹرز جھوٹی خبریں پھیلا کربھارتی میڈیا کی ساکھ کو شدید نقصان پہنچایا۔
