منامہ — بحرین میں جاری ایشین یوتھ گیمز میں پاکستان کی والی بال ٹیم نے تاریخ رقم کر دی۔ قومی نوجوان اسکواڈ نے سیمی فائنل میں شاندار کارکردگی دکھاتے ہوئے انڈونیشیا کو 1-3 سے ہرایا اور فائنل میں جگہ پکی کر لی۔
ٹورنامنٹ کے فائنل میں پاکستان کا مقابلہ ایران سے ہوگا جو 29 اکتوبر کو کھیلا جائے گا۔
اس سے قبل پاکستان نے کوارٹر فائنل میں چین کو 0-3 سے شکست دی تھی، جبکہ گروپ اسٹیج میں ٹیم نے سعودی عرب کو 1-3 اور ازبکستان کو 0-3 سے مات دے کر ناقابلِ شکست ریکارڈ برقرار رکھا۔
کھیلوں کے ماہرین کے مطابق پاکستانی نوجوان ٹیم کی یہ کارکردگی خطے میں والی بال کے نئے دور کی نشاندہی کرتی ہے، خاص طور پر اس وقت جب ایشیائی کھیلوں میں جنوبی ایشیا کی نمائندگی میں استحکام درکار ہے۔
About The Author
