خیبرپختونخوا حکومت نے صوبے کی طالبات اور یتیم بچوں کے لیے مفت اعلیٰ تعلیم کے حصول کے لئے ساڑھے 4 ارب روپے کے منصوبے کا افتتاح کر دیا۔ وزیر اعلیٰ سہیل خان نے ایم ڈی کیٹ ٹیسٹ پاس کرنے والے یتیم طلبہ کے لیے مفت اعلیٰ تعلیم فراہم کرنے کا بھی اعلان کیا ۔
وزیر اعلیٰ خیبر پختونخوا سہیل آفریدی نے فرنٹئیر ویمن کالج میں انصاف فیمیل ایجوکیشن کارڈ کا اجرا کیا۔ انصاف فیمیل ایجوکیشن کارڈ سے 55 ہزار طالبات انٹڑمیڈیٹ تک مفت تعلیم سے مستفید ہوں گی۔پروگرام کے تحت صوبے بھر کے 120 کالجوں کی طالبات کو سہولت فراہم کی جائے گی۔ منصوبے کے لیے 4 ارب 50 کروڑ روپے مختص کر دیے ہیں۔
وزیراعلیٰ سہیل آفریدی نے کہا کہ خواتین کو اعلیٰ تعلیم کے ذریعے بااختیار بنانا ہماری ترجیح ہے۔ تعلیم یافتہ خواتین مضبوط، خوشحال اور باشعور معاشرے کی ضمانت ہیں۔وزیراعلیٰ نے کہا کہ آئندہ بجٹ میں خواتین کے لئے مزید فنڈز مختص کریں گے۔ خیبر پختونخوا خواتین کی اعلیٰ تعلیم کے فروغ میں ماڈل صوبہ بنے گا۔ وزیر اعلیٰ محمد سہیل آفریدی نے بیچلر اور ماسٹر ڈگری ہولڈرز کے لیے انٹرن شپ پروگرام شروع کرنے کی ہدایت بھی کی۔
