کولمبو میں منعقدہ پہلے بلائنڈ ویمنز ٹی ٹوئنٹی ورلڈ کپ کے سیمی فائنل میں نیپال نے پاکستان کو 7 وکٹوں سے شکست دے کر فائنل میں جگہ بنا لی۔ قومی ٹیم نے پہلے بیٹنگ کی اور مقررہ اوورز میں 6 وکٹوں کے نقصان پر 169 رنز اسکور کیے۔ پاکستان کی جانب سے مہرین علی 55 رنز اور بشریٰ اشرف 48 رنز کے ساتھ نمایاں بیٹر رہیں۔
170 رنز کے ہدف کے تعاقب میں نیپال کی ٹیم نے پراعتماد کھیل کا مظاہرہ کرتے ہوئے 3 وکٹوں کے نقصان پر ہدف حاصل کر لیا۔ بنیتا پون نے شاندار 46 رنز کی اننگز کھیلی جبکہ سوشما تھمنگ نے 36 رنز بنا کر اہم کردار ادا کیا۔
نیپال کی بیٹرز نے ذمہ دارانہ کھیل پیش کرتے ہوئے پاکستانی بولرز کو دباؤ میں رکھا اور میچ اپنے نام کرنے میں کامیاب رہیں۔
