دوشنبے – چین تاجکستان سے اعلیٰ معیار کی زرعی مصنوعات کی درآمدات کو وسعت دے گا اور چینی کمپنیوں کو خشکی سے گھری اس وسطی ایشیائی ملک میں سرمایہ کاری کرنے کی ترغیب دے گا، یہ اعلان چین کے وزیر خارجہ وانگ یی نے تاجک دارالحکومت دوشنبے کے دورے کے دوران کیا۔
وانگ یی نے اپنے تاجک ہم منصب سراج الدین محردین سے ملاقات میں کہا کہ چین تاجکستان کے لیے ایک "قابل اعتماد اور پائیدار پارٹنر” رہے گا۔ ملاقات کے دوران وانگ نے تاجکستان کی جانب سے چین کے بنیادی مفادات، جیسے تائیوان سے متعلق معاملات پر پختہ حمایت کا شکریہ بھی ادا کیا۔
بیان میں مزید کہا گیا کہ چین جاپان میں دائیں بازو کی قوتوں کو تاریخ کا رخ بدلنے، بیرونی طاقتوں کو تائیوان میں مداخلت کی اجازت دینے یا جاپانی عسکریت پسندی کے دوبارہ ابھرنے کی اجازت نہیں دے گا۔ چین تائیوان کو اپنا علاقہ سمجھتا ہے، تاہم اس نے جزیرے پر قبضے کے لیے طاقت کے استعمال کے امکان کو رد نہیں کیا، جبکہ تائیوان کی حکومت نے کہا کہ اس کے مستقبل کا فیصلہ صرف جزیرے کے لوگ کر سکتے ہیں۔
وانگ یی نے تاجکستان میں ملاقات کے دوران کہا کہ چین ایک چین کے اصول پر بین الاقوامی اتفاق رائے کو برقرار رکھنے اور دوسری جنگ عظیم میں حاصل کامیابیوں کے مشترکہ تحفظ کے لیے تمام فریقوں کے ساتھ تعاون کرے گا۔ انہوں نے مزید کہا کہ چین اور تاجکستان دوطرفہ مشترکہ گشت کے ذریعے تعاون کو مزید گہرا کریں گے، معدنی وسائل کی ترقی کو وسعت دیں گے اور سیکورٹی کو مضبوط کریں گے۔
یہ دورہ دونوں ممالک کے درمیان اقتصادی، تجارتی اور سیکیورٹی تعاون کو فروغ دینے کی حکمت عملی کے طور پر دیکھا جا رہا ہے۔
About The Author
