تہران – ایرانی فوج نے کسی بھی ممکنہ نئے حملے کے خلاف سخت انتباہ جاری کرتے ہوئے کہا ہے کہ ایسی کسی بھی کارروائی کا فوری اور فیصلہ کن جواب دیا جائے گا۔
ایرانی سرکاری میڈیا کے مطابق فوج کے ترجمان نے اپنے بیان میں کہا کہ دشمن کی کسی بھی جارحیت سے نمٹنے کے لیے تمام عسکری منصوبے اور ضروری احکامات پہلے ہی جاری کیے جا چکے ہیں۔
ترجمان نے واضح کیا کہ اگر کسی فریق نے ایک بار پھر کسی “احمقانہ اقدام” کی کوشش کی تو ایران بغیر کسی تاخیر کے بھرپور ردعمل دے گا۔
بیان میں کہا گیا کہ ایرانی مسلح افواج مکمل طور پر تیار ہیں اور ملکی خودمختاری، سلامتی اور قومی مفادات کے تحفظ کے لیے ہر سطح پر دفاعی اقدامات کیے جا چکے ہیں۔
واضح رہے کہ یہ بیان ایسے وقت میں سامنے آیا ہے جب ایران اور امریکا کے درمیان حالیہ دنوں میں کشیدگی میں اضافہ دیکھا جا رہا ہے، جبکہ خطے میں فوجی نقل و حرکت اور سفارتی بیانات نے صورتحال کو مزید حساس بنا دیا ہے۔
About The Author
