کیتھولک مسیحیوں کے روحانی پیشوا Pope Leo نے عالمی حالات پر ردِعمل دیتے ہوئے کہا ہے کہ موجودہ دور میں دنیا کو تقسیم نہیں بلکہ اتحاد اور باہمی ہم آہنگی کی اشد ضرورت ہے۔
الجزائر سے Cameroon جانے والی پرواز میں صحافیوں سے گفتگو کرتے ہوئے انہوں نے کہا کہ ان کا افریقی دورہ دراصل امن، اتحاد اور بین المذاہب ہم آہنگی کا پیغام لے کر آیا ہے، جسے پوری دنیا کو سننے اور اپنانے کی ضرورت ہے۔
پوپ لیو نے الجزائر میں عظیم مسجد کے اپنے دورے کا حوالہ دیتے ہوئے کہا کہ یہ اقدام اس بات کی علامت ہے کہ مختلف مذاہب، عقائد اور طرزِ زندگی رکھنے کے باوجود انسان ایک دوسرے کے ساتھ پرامن انداز میں رہ سکتے ہیں۔ ان کا کہنا تھا کہ اختلافات کے باوجود مشترکہ اقدار کو فروغ دینا ہی عالمی امن کی بنیاد بن سکتا ہے۔
یہ بیان ایک ایسے وقت میں سامنے آیا ہے جب پوپ لیو کو ایران جنگ کے حوالے سے اپنے مؤقف پر امریکی قیادت، بالخصوص Donald Trump اور نائب صدر کی جانب سے تنقید کا سامنا ہے۔ پوپ نے ایران میں امریکی فوجی کارروائیوں پر کھل کر تنقید کی ہے، جو امریکی انتظامیہ کے مؤقف سے مختلف سمجھی جا رہی ہے۔
About The Author
