پاکستان سپر لیگ کے گیارہویں ایڈیشن میں اسلام آباد یونائیٹڈ نے راولپنڈیز کو جیت کے لیے 138 رنز کا ہدف دے دیا۔
نیشنل اسٹیڈیم کراچی میں کھیلے جا رہے اس میچ میں راولپنڈیز نے ٹاس جیت کر پہلے بولنگ کا فیصلہ کیا، جو ان کے لیے مؤثر ثابت ہوا۔
راولپنڈیز کے بولرز نے نظم و ضبط کے ساتھ شاندار کارکردگی کا مظاہرہ کرتے ہوئے اسلام آباد یونائیٹڈ کی پوری ٹیم کو 137 رنز پر آؤٹ کر دیا۔
اسلام آباد یونائیٹڈ کی جانب سے ڈیون کونوے 40 رنز کے ساتھ نمایاں رہے، جبکہ کرس گرین نے 29 اور مارک چیپمین نے 23 رنز کی اننگز کھیلی۔ فہیم اشرف 11 رنز بنا سکے۔
راولپنڈیز کی جانب سے محمد عامر، سعد مسعود اور ڈائین فوسٹر نے دو، دو کھلاڑیوں کو آؤٹ کیا، جبکہ ڈیرل مچل، آصف آفریدی اور نسیم شاہ نے ایک، ایک وکٹ حاصل کی۔
ٹاس کے موقع پر اسلام آباد یونائیٹڈ کے کپتان شاداب خان کا کہنا تھا کہ تمام میچز اہم ہوتے ہیں اور ٹیم بغیر کسی تبدیلی کے میدان میں اتری ہے۔
About The Author
