محسن نقوی کو آئی سی سی بورڈ میٹنگ اور آئی پی ایل فائنل کا دعوت نامہ موصول -

پاکستان کرکٹ بورڈ کے چئیرمین Mohsin Naqvi کو بھارت میں ہونے والی International Cricket Council بورڈ میٹنگ اور Indian Premier League فائنل کے لیے باضابطہ دعوت نامہ موصول ہو گیا ہے۔

رپورٹس کے مطابق آئی سی سی کے اجلاس رواں ماہ دو مراحل میں منعقد ہوں گے۔ پہلا اجلاس چیف ایگزیکٹو کمیٹی کا 21 مئی کو آن لائن ہوگا، جبکہ بورڈ میٹنگ 30 اور 31 مئی کو Ahmedabad میں منعقد کی جائے گی۔

اجلاس میں ICC World Test Championship کے فارمیٹ میں ممکنہ تبدیلیوں پر غور کیا جائے گا۔ موجودہ نظام کے تحت ہر سیریز میں کم از کم دو ٹیسٹ میچز کھیلنا لازمی ہے، تاہم نئے مجوزہ فارمیٹ پر مختلف آپشنز زیرِ بحث آئیں گے۔

ذرائع کے مطابق اجلاس میں Zimbabwe، Ireland اور Afghanistan کو ورلڈ ٹیسٹ چیمپئن شپ میں شامل کرنے کی تجویز بھی پیش کی جائے گی، جس سے ٹورنامنٹ میں شریک ٹیموں کی تعداد بڑھ سکتی ہے۔

Pakistan Cricket Board کی نمائندگی چیئرمین محسن نقوی کریں گے، تاہم ان کی بھارت روانگی سے متعلق حتمی فیصلہ وزیرِ اعظم کی منظوری سے مشروط ہوگا۔