چین نے فلپائن کے وزیر دفاع گلبرٹو ٹیوڈورو کے خلاف پابندیاں عائد کرنے کا اعلان کرتے ہوئے انہیں اور ان کے اہل خانہ کو چینی سرزمین، ہانگ کانگ اور مکاؤ میں داخلے سے روک دیا ہے۔
چینی سرکاری نشریاتی ادارے کے مطابق بیجنگ حکومت کا مؤقف ہے کہ گلبرٹو ٹیوڈورو نے متعدد مواقع پر چین کے خلاف ’’بے بنیاد اور اشتعال انگیز‘‘ بیانات دیے، جن سے چین کے قانونی مفادات اور دونوں ممالک کے دوطرفہ تعلقات کو نقصان پہنچا۔
چینی حکام کا کہنا ہے کہ قومی خودمختاری، سلامتی اور ترقیاتی مفادات کے تحفظ کے لیے یہ فیصلہ کیا گیا ہے۔ پابندیوں کے تحت گلبرٹو ٹیوڈورو اور ان کے اہل خانہ کو China کے مین لینڈ، Hong Kong اور Macau میں داخلے کی اجازت نہیں ہوگی۔
بیان کے مطابق چین کے اندر موجود تمام اداروں، کمپنیوں اور افراد کو بھی ہدایت کی گئی ہے کہ وہ فلپائنی وزیر دفاع کے ساتھ کسی بھی قسم کے کاروباری لین دین، تعاون یا دیگر سرگرمیوں میں شریک نہ ہوں۔
یہ اقدام ایسے وقت میں سامنے آیا ہے جب Philippines اور چین کے درمیان بحیرہ جنوبی چین کے متنازع علاقوں، سمندری حدود اور علاقائی سلامتی کے معاملات پر کشیدگی میں اضافہ دیکھا جا رہا ہے۔ دونوں ممالک حالیہ برسوں میں ایک دوسرے پر اشتعال انگیزی اور بین الاقوامی قوانین کی خلاف ورزی کے الزامات عائد کرتے رہے ہیں۔
About The Author
