محرم الحرام میں لاہور کے پانچ بڑے جلوسوں کی سیکیورٹی کے لیے غیر معمولی انتظامات مکمل کرلیے گئے ، پاک فوج اور رینجرز کے دستے حساس مقامات پر تعینات ہوں گے ، فضائی نگرانی کے لیے ڈرون یونٹس مسلسل مانیٹرنگ کریں گے ۔
پولیس حکام کے مطابق ٹھوکر نیاز بیگ ، ماڈل ٹاؤن ، شادمان اور پانڈو اسٹریٹ کے جلوسوں پر خصوصی سکیورٹی پلان نافذ ہوگا ، جلوسوں کی سکیورٹی کے لیے پولیس کے ساتھ پاک فوج اور رینجرز کے اہلکار بھی سکیورٹی فرائض سرانجام دیں گے ، جلوسوں کے داخلی و خارجی راستوں پر چار حصار پر مشتمل سکیورٹی سسٹم نافذ ہوگا ، حساس عمارتوں اور بلند مقامات کی چھتوں پر اسنائپرز تعینات ہوں گے ، سیف سٹی کیمروں کی مدد سے براہ راست مانیٹرنگ ہوگی جبکہ ڈرون کی مدد سے فضائی نگرانی بھی مسلسل جاری رہے گی ، جلوسوں کی روٹس پر پولیس کی نفری کے علاؤہ ، ایلیٹ فورس اور قانون نافذ کرنے والے اداروں کے اہلکار تعینات ہوں گے ۔
About The Author
