خیبرپختونخوا حکومت نے نئے مالی سال کے لیے دو الگ بجٹ تیار کر لیے ہیں ۔ ذرائع کے مطابق پہلا بجٹ ہنگامی بنیادوں پر تیار کیا گیا ہے جس کا حجم 385 ارب روپے سے زائد ہے جبکہ دوسرے مکمل سالانہ بجٹ کی کل مالیت 2 ہزار 275 ارب روپے رکھی گئی ہے۔
ذرائع کا کہنا ہے کہ صوبائی حکومت نے آئین کے آرٹیکل ایک 125 کے تحت سہ ماہی بجٹ کی تیاری کے لیے قانونی اور پارلیمانی کمیٹیاں تشکیل دے دی ہیں ۔ وزیر اعلیٰ خیبر پختونخوا تین ماہ کے عبوری بجٹ جبکہ اراکین اسمبلی پورے مالی سال کے بجٹ کے لیے اپنی سفارشات پیش کر رہے ہیں ۔ ذرائع کے مطابق سہ ماہی بجٹ کے دوران صرف جاری اور غیر ترقیاتی اخراجات کی منظوری دی جائے گی جبکہ اس عرصے میں صوبے میں کسی نئے ترقیاتی منصوبے کے لیے فنڈز جاری نہیں کیے جائیں گے۔ ذرائع نے مزید بتایا کہ پارلیمانی اور قانونی کمیٹیوں کی سفارشات کو حتمی منظوری کے لیے دوبارہ پارٹی کی سیاسی کمیٹی کے سامنے پیش کیا جائے گا۔
About The Author
