پاکستان کرکٹ بورڈ نے قومی کرکٹرز کو غیر ملکی کرکٹ لیگز میں شرکت کے لیے این او سی جاری کر دیے ہیں۔
پی سی بی کی جانب سے متعدد پاکستانی کھلاڑیوں کو کیریبین پریمیئر لیگ (CPL) میں شرکت کی اجازت دی گئی ہے۔
این او سی حاصل کرنے والے کھلاڑیوں میں حسن نواز، حنین شاہ، نسیم شاہ اور عثمان خان شامل ہیں۔
اس کے علاوہ معاذ صداقت، صاحبزادہ فرحان، سفیان مقیم اور شاداب خان کو بھی سی پی ایل کھیلنے کی اجازت مل گئی ہے۔
پی سی بی نے کھلاڑیوں کو ان کی ضروریات کے مطابق مختلف مدت کے لیے این او سی جاری کیے ہیں۔
سی پی ایل کے لیے بعض کرکٹرز کو 19 اگست سے 21 ستمبر تک اجازت دی گئی ہے۔
وکٹ کیپر بیٹر محمد حارث کو 7 اگست سے 20 ستمبر تک سی پی ایل میں شرکت کا این او سی جاری کیا گیا ہے۔
مسٹری اسپنر عثمان طارق کو 8 اگست سے 18 ستمبر تک سی پی ایل کھیلنے کی اجازت دی گئی ہے۔
اسی طرح اسپنر اسامہ میر کو 7 اگست سے 21 ستمبر تک سی پی ایل کے لیے این او سی دیا گیا ہے۔
پی سی بی نے قومی ٹیم کے اسپنر نعمان علی کو لنکا شائر کاؤنٹی کی نمائندگی کے لیے بھی این او سی جاری کیا ہے۔
نعمان علی کو 27 ستمبر تک لنکا شائر کاؤنٹی کے لیے کھیلنے کی اجازت دی گئی ہے۔
پی سی بی کی جانب سے جاری کردہ این او سیز سے پاکستانی کرکٹرز کو بین الاقوامی ٹی20 اور کاؤنٹی کرکٹ میں تجربہ حاصل کرنے کا موقع ملے گا۔
بورڈ کی اجازت کے بعد یہ کھلاڑی مقررہ مدت کے دوران متعلقہ غیر ملکی لیگز اور کاؤنٹی کرکٹ میں اپنی ٹیموں کی نمائندگی کر سکیں گے۔
About The Author
