سعودی عرب کے فرمانروا شاہ سلمان بن عبدالعزیز نے کابینہ کی دوبارہ تشکیل کا شاہی فرمان جاری کر دیا۔
نئی تشکیل شدہ کابینہ کی سربراہی ولی عہد شہزادہ محمد بن سلمان کریں گے۔ وہ وزیر اعظم کی ذمہ داریاں بھی انجام دے رہے ہیں۔
شاہ سلمان نے اس حوالے سے تین شاہی فرامین جاری کیے ہیں۔
شاہی فرامین کے مطابق کابینہ کی تشکیل چار سالہ مدت کے لیے کی گئی ہے۔
موجودہ کابینہ کے ارکان کو برقرار رکھا گیا ہے۔ کابینہ کی تشکیل متعلقہ شاہی فرامین اور کابینہ کے نظام کے تحت کی گئی۔
قوانین کے مطابق کابینہ کی مدت چار سال سے زیادہ نہیں ہوگی۔
اس مدت کے دوران شاہی فرمان کے ذریعے کابینہ میں دوبارہ تشکیل بھی کی جا سکتی ہے۔
شاہی فرمان کے تحت شہزادہ عبدالعزیز بن سلمان کو اہم عہدہ دیا گیا ہے۔
انہیں لوکل کنٹینٹ اینڈ گورنمنٹ پروکیورمنٹ اتھارٹی کے بورڈ آف ڈائریکٹرز کا چیئرمین مقرر کیا گیا ہے۔
اس سے قبل بندر الخریف اس عہدے پر فائز تھے۔
شاہی فرمان کے ذریعے بندر الخریف کو عہدے سے سبکدوش کر دیا گیا ہے۔
سعودی عرب میں کیپٹل مارکیٹ اتھارٹی کے بورڈ میں بھی تبدیلی کی گئی ہے۔
محمد القویز کو چیئرمین کے عہدے سے سبکدوش کر دیا گیا ہے۔
ان کی جگہ مازن السدیری کو نیا چیئرمین مقرر کیا گیا ہے۔
مازن السدیری کو وزیر کے درجے کے ساتھ یہ ذمہ داری سونپی گئی ہے۔
حالیہ شاہی فرامین میں کابینہ اور اہم سرکاری اداروں سے متعلق انتظامی فیصلے کیے گئے ہیں۔
About The Author
