پاکستان انڈر 19 کرکٹ ٹیم دورہ انگلینڈ کے لیے لاہور سے روانہ ہوگئی۔ پاکستانی ٹیم دبئی کے راستے انگلینڈ پہنچے گی۔ دورے کے دوران پاکستان اور انگلینڈ کی انڈر 19 ٹیمیں مدمقابل ہوں گی۔ دونوں ٹیموں کے درمیان ایک یوتھ ٹیسٹ میچ کھیلا جائے گا۔ اس کے علاوہ 4 میچز پر مشتمل یوتھ ون ڈے سیریز بھی ہوگی۔
پاکستان اور انگلینڈ کے درمیان یوتھ ٹیسٹ 2 سے 5 ستمبر تک ہوگا۔ یہ میچ ارونڈل کاسل کرکٹ گراؤنڈ میں کھیلا جائے گا۔ اس کے بعد دونوں ٹیموں کے درمیان ون ڈے سیریز کا آغاز ہوگا۔
چار میچز پر مشتمل یوتھ ون ڈے سیریز 9 سے 16 ستمبر تک جاری رہے گی۔ سیریز کا پہلا میچ ارونڈل میں کھیلا جائے گا۔
About The Author
